Mál málanna
Sælir piltar. Ég tel mig knúinn til að svara "opnun" Hafliða á þessari umræðu.
Hafliði talar um "vald" Vignis og Balla til að láta menn fara. Höfum það skýrt að hvorki ég, Balli né nokkur annar getum sparkað mönnum. Þetta er lið og við tökum saman ákvarðanir sem þessar. Því verður úr þessi "netkosning".
En allir leikmenn ættu að vita hvernig málin standa. Staðreyndin er sú að á þriðjudag hittust ég, Eiki og Balli og ræddum málin fyrir sumarið og reyndum að komast til botns í því af hverju það eru aðeins 8-9 menn sem hafa fastan hug á því að spila með okkur í sumar og af hverju ekki nema sex leikmenn hafa greitt æfingagjaldið nú þegar 13 dagar eru í að við þurfum að borga þáttökugjaldið.
Það er ekkert launungarmál að heyrst hafa óánægjuraddir í garð Hafliða frá öllum fjórum "104-gengjunum" sem kjarni Hjörleifs er gerður úr. Framkoma hans innan vallar hefur á köflum verið ansi tæp og hann veit það best sjálfur. Þá hefur framkoman utanvallar verið nokkuð áberandi upp á síðkastið; skemmst er að minnast uppákomunnar í innanhúsmótinu þar sem mikill hiti var og metnaðarleysisins sem fólst í því að mæta ekki í æfingaleik á sama tíma og landsliðið spilaði.
Hver svosem skoðun einstakra leikmanna er þá var einn megintilgangur þessa "fundar" að komast að því af hverju þetta stemningsleysi í kringum liðið stafaði. Tíminn þar sem menn mættu með bjór í klefann fyrir leiki og djókuðu saman er löngu liðin tíð og eg ég tala fyrir sjálfan mig þá hefur tilhlökkunin og gleðin við það að spila fyrir Hjörleif farið minnkandi. Hafa nokkrir aðrir leikmenn liðsins sagt mér að þeir séu sama sinnis. Hvet ég á þá sem segja annað að hefja sig til máls á spjallþræði þessa pistils og mótmæla. En eftir stendur allavega að mér, og fleiri sem tengjast mér, finnst ekki jafngaman að spila leiki og meira að segja hafa helstu stuðningsmenn liðsins haft þetta líka á orði við mig.
Af hverju er það svo? Sú spurning var í raun yfirskrift þessarar fundar okkar þriggja sem - ásamt Hafliða ? höfum verið í ?stjórnunarstörfum? fyrir Hjörleif undanfarin ár. Þar sem ein mögulega skýringin var sú að metnaður Hafliða gagnvart utandeildarbolta væri óraunhæfur var hann ekki boðaður á þennan fund ?yfirmannana?.
Ég ætla ekki að hafa þetta lengra og dæmi nú hver sem vill. Mér sýnist sem svo að Hafliði sé að falla í þá gryfju að taka þetta persónulega gagnvart mér og Balla. Allavega les ég það af þeim tóni sem blasir við í pistli Hafliða. Það finnst mér miður.
Staðreyndin er sú að Hafliði hefur verið ein helsta driffjöðurinn í því að búa til æfingaleiki og æfingar, séð um fjármálin og gert margt gott fyrir Hjörleif. Það er gott mál að gera svona lauslega netkönnun þar sem einhver niðurstaða gæti fengist. Ég skora á menn til að koma fram undir nafni og segja sitt álit.
Mitt álit er á þann veg að ég vill að það verði gaman að spila fyrir Hjörleif og að við getum fengið nýja menn í liðið. Ef að eina leiðin til að fá því fram er sú að Hafliði stígi út, þá skora ég á hann að hætta. Það rekur hann enginn. Óánægja með Hafliða er enginn orðrómur, hann er staðreynd. Ef að menn komast að þeirri niðurstöðu að hægt sé að halda uppi góðri stemningu og gleði þrátt fyrir að óánægja sé á milli einstakra leikmanna þá er þess virði að láta á það reyna og Hafliði heldur áfram. Ég hef bara ekki trú á því að það muni gerast.
Hver svosem niðurstaðan í þessu máli verður liggur hún mest í höndum Hafliða sjálfum. Ef hann tekur þá ákvörðun að stíga út ef grundvöllur þykir fyrir þá verður hann meiri maður fyrir vikið. Með því að spila áfram í óþökk annara leikmanna er hann að skjóta sig í fótinn og skemma fyrir liðinu. Ég tel mig þekkja Hafliða nægilega vel til að vita að það vill hann síst gera.
Endilega allir að tjá sig um þetta mál. Og lesa pistilinn frá Hafliða hér fyrir neðan.
Kv, Vignir.